Khit Thit သတင်းဌာန၏ ဇွန် ၂၆ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၂၆ ရက် ညနေပိုင်းတင်ဆက်ပေးမယ့်သတင်းတွေကတော့ -ရှမ်းပြည်နယ်၊ မုံးကိုးမှာ အလင်းဝင်ရောက်လာတဲ့ အကြမ်းဖက် စစ်ကောင်စီရဲ့ တပ်မ ၉၉ လက်အောက်ခံ တပ်ရင်း ၄၁၉ က တပ်သား သန်းထိုက်အောင် ကို မြန်မာ အမျိုးသားဒီမိုကရက်တစ် မဟာမိတ်တပ်မတော် ကိုးကန့်(MNDAA) ကနေ အခမ်း အနားနဲ့ ကြိုဆိုပြီး သိန်း ၂၀ ချီးမြှင့်ခဲ့တဲ့အပြင် ၊ တပ်စိတ်မှူးရာထူးပါ ပေးအပ်ခဲ့ တယ်လို့ The Kokang ကနေ သတင်း ထုတ်ပြန်ထားပါတယ်။ - တနင်္သာရီတိုင်း၊ သရက်ချောင်းမြို့နယ်၊ ရငဲ ကျေးရွာက နေအိမ်တွေကို အကြမ်းဖက် စစ်ကောင်စီ တပ်က ဒီကနေ့ ဇွန်လ ၂၆ ရက်နေ့ မနက်ပိုင်းမှာ ထပ်မံမီးရှို့ဖျက်ဆီးသွားတယ်လို့ ဒေသခံ ပြည်သူတွေ က ရန်ကုန်ခေတ်သစ် ကိုပြောပါတယ်။ - စစ်ကိုင်းတိုင်း ၊ စစ်ကိုင်းမြို့နယ်က ကင်းတော်၊ မြင်းဆည် နဲ့ လက်ပါယ်တော အပါအဝင် ကျေးရွာ ၅ ခု ကိုအကြမ်းဖက် စစ်ကောင်စီတပ်က ဇွန်လ ၂၅ ရက်နေ့မှာ မီးရှို့ဖျက်ဆီးမှုကြောင့် လယ်ပါယ်တော ကျေးရွာက လူနေအိမ် အလုံး ၁၀၀ ကျော် မီးလောင် ပြာကျသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
